Започнува вакцинацијата во Србија: Премиерката Брнабиќ е прва на списокот

Првите вакцини против коронавирус пристигнаа во Србија, а денес тие први ќе ги примат премиерката Ана Брнабиќ, министерката за труд, вработување и социјални прашања Дарија Кисиќ Тепавчевиќ и епидемиологот Предраг Кон.

Тие ќе бидат вакцинирани во 10.30 часот на Институтот за вирусологија, вакцини и серуми „Торлак“, соопшти Владата на Србија, а по вакцинацијата ќе даваат изјави за медиумите.

Станува збор за вакцината на „Фајзер-Бионтек“, која пристигна во Србија вчера, и тоа првите 4.875 дози, а во јануари, февруари и март ќе пристигнат уште повеќе , соопшти српскиот претседател Александар Вучиќ во средата.