Српски „Курир“: Просинечки ја презема репрезентацијата на Македонија

Роберт Просинечки ќе стане новиот селектор на македонската фудбалска репрезентација, неофицијално дознава „Курир“.

Македонија најголемиот успех во својата историја го постигна со пласман на Европско првенство и за прв пат по осамостојувањето се пласираа на големо натпреварување.

Селекторот Игор Ангеловски ја одведе селекцијата до овој историски успех, па затоа и оваа одлука е малку изненадувачка.

Од друга страна, Просинечки е без работа откако на крајот на ноември доби отказ во турски Денизлиспор по серија лоши резултати, а сето тоа кулминираше со поразот во Купот на Турција од третолигашот Тургутлуспор.

Официјалната промоција се очекува во наредните денови.