Бројот на заразени со ковид 19 се намалува, властите смируваат дека новиот британски сој не е регистрирани кај нас. Покрај тоа што се очекуваат вакцините на Фајзер од страна на Србија, министерот за здравство соопшти дека се преговара и со кинескиот производител.
Не треба да дозволиме поселдни да се вакцинираме.
-Јас сум првиот кој кажа дека не смееме да бидеме последни кои ќе ја примат вакцината против Ковид 19. Во Србија има претставништво Фајзер и затоа вакцинацијата тече. За жал Западниот Балкан е исклучок од вакцинацијата. Ние бевме практично заборавени пред се од големите фармацевтски компании, на кои им е битен профитот. Во нашите преговори со Фајзер и АстраЗеника прво прашање кое беше поставено од нивна страна е колкав број на жители сме и дека сега во моментов нивен интерес се големите пазари. Ние не сме единствените каде не е започната вакцинацијата Боса, Албанија, Црна Гора, вели за ТВ Клан, Стево Пендаровски.
Македонија е во преговори со кинескиот производител
Министерот за здравство Венко Филипче во гостувањето во 360 степени најави дека Македонија е во преговори со кинескиот производител на вакцини против Ковид 19
-Не е точно дека не сме ја споменале оваа опција, премиерот ја најави како една од опциите и разговаравме со кинеската амбасада. Остануваме доследни на Ковакс механизмот, во петок треба да кажат точно кога и колку вакицини ќе стигнат. Го чекаме и одговорот од Фајзер. Но, очигледно е дека сите производители имаат проблем со капацитетите и затоа сакаме да обезбедиме процес на имунизација кој ќе има континуитет. Сакаме да обезбедиме соодветна количина и од сите производителите. Сите производители имаат развиено безбедни вакцини и кога ќе почне процесот сакаме да нема пауза. Сега чекаме детали во однос на цената и испораката, и до крајот на оваа недела ќе ги знаеме овие детали. Суштината е дека производителите кои први излегоа на пазарот имаат проблем со капацитетот. Нашите сознанија се од публикуваните материјали. Буквално сите вакцини се ефикасни и безбедни, вели Филипче.
Вкупната бројка на ковид дијагностицирани во нашата земја од почетокот на епидемијата изнесува 90717, бројката на оздравени пациенти е 78727, на починати е 2791, а бројот на активни случаи изнесува 9199.