СЗО: Во последните 24 часа 300.000 новозаболени

Бројот на заразени лица од почетокот на избувнувањето на пандемијата на коронавирусот во светот надмина 108,15 милиони, објави синоќа Светската здравствена организација (СЗО).

Од последиците на ковид починале 2.381.295 пациенти, според извештајот на СЗО пренесен од ТАС С.

Бројот на потврдени случаи во последните 24 часа се зголеми за 300.530, додека починаа 7.776 лица.

Во Европа е забележан најголем број на случаи (122.528), следени од Северна и Јужна Америка (115.652) и областа на Источен Медитеран (22.938).