Помалите партии бараат една изборна единица, владејачката СДСМ го поддржува предлогот

Помалите политички партии поднесоа измени на изборниот законик со кои се бара една изборна единица, да нема изборен праг и да се укине финансирањето на политичките партии.

-Предлагаме Македонија да биде една изборна единица, да остане пропорционален модел, да нема праг, а пресметката на пратениците да се реализира преку Донтовиот количник, вели пратеникот Павле Трајанов од Демократски сојуз .

Владејачката СДСМ  начално го подржува предлогот но инсистира на консензус.

-За ваква тема треба консензус од сите, а не со надгласување и препукување. Се надевам дека по една општа генерална дебата на власта и опозицијата, големите, малите и вонпарламентарните партии ќе се најде консезус за ова прашање, вели пратеникот од СДСМ, Мартин Костовски.