332
Преку нашиот амбасадор во Абу Даби, денеска ќе пристигнат 2000 кинески вакцини како донација, соопшти министерот за здравство Венко Филипче.
-Вакцините ќе пристигнат во Софија. Веќе го организиравме транспортот, возилото е веќе на софискиот аеродром и денеска ги очекуваме да пристигнат тука.Овие вакцини ќе бидат наменети по возрасните групи по кои се води системот, рече Филипче.
Запрашан за вакцинација на останатиот дел од граѓаните во Македонија, министерот за здравство, Венко Филипче повика на трпеливост.
-Драго ми е што денеска одзивот на новинарите за вакцинација е голем, а овој месец стигнуваат нови вакцини во нашата држава. Повикувам на трпеливост кај населението, има вакцини за сите, истакна Филипче.