„Мило ми е што денес се сретнав со премиерот Заев. ЕУ стои покрај Северна Македонија во ова тешко време, вклучително и со помошта со вакцини. Ја потврдив нашата силна поддршка за отворање на пристапните преговори на Северна Македонија со ЕУ, објави претседателката на ЕК, Урсула Фон дер Лајен на својот Твитер профил.
Glad to meet @Zoran_Zaev today.
The EU stands by North Macedonia in this difficult time, including by sharing vaccines.
I reconfirmed our strong support for opening accession negotiations with North Macedonia. pic.twitter.com/PNmBDDEzyp
— Ursula von der Leyen (@vonderleyen) May 10, 2021
Премиерот Заев во Брисел со јасна порака дека Македонија е единствeна во ставот дека нема да дозволи да се преговара за идентиетските прашања како услов за почеток на преговорите со Европската унија.
Според премиерот токму појавата на таканаречените нон пејпери е доказ дека во отсуство на ЕУ во регионот можни се и други сценарија кои би можеле да го дестаблизараат целиот Балкан.
Портпаролот на ЕК, Ерик Мамер истакна дека Фон дер Лајен ја потврдила својата поддршка за започнување разговори со Северна Македонија, но истите не може да започнат без согласност на Бугарија.
Европската комисија изразила желба да ги поддржи економските и инфраструктурни проекти во Македонија, како што е изградба на железничка линија, гасовод и проекти поврзани со зелена енергија.