Филипче: Нема најава за политизација во испораката на руските вакцините по протерувањето на рускиот дипломат

Министерот за здравство, Венко Филипче очекува дека нема да се политизира протерувањето на рускиот дипломат од земјата со набавката на руската вакцина.

–За време на бројните средби и телефонски разговори со рускиот амбадасор нема никаква најава за политизација на прашањето. Ниту беше така на почетокот, ниту е сега. Останува да видиме да ги кажат најавите, а последните се за пристигнување на одредена количина на руска вакцина до крајот на месецов, рече Филипче.