Од сите 12 хороскопски знаци, токму овој гледа излез во секоја ситуација, среќа во секоја тага, можност во секоја неволја, веруваат астролозите. За него чашата е секогаш половина полна, а секое предавство е нова лекција.
Секогаш веселиот Стрелец ја гледа позитивната страна во сè и во секоја прилика успева да ја врати насмевка на лицето, колку и да е тешко.
Стрелците се отворени и искрени, па затоа не е изненадувачки што прво ним им се обраќаат пријателите кои имаат проблеми. Тие знаат како да сослушаат секого, даваат поддршка. Честопати немаат такт поради нивната искреност, па можат да навредат некого.
Со Стрелецот управува Јупитер, планетата на оптимизмот, напредокот, знаењето, среќата, патувањата. Тие зрачат со позитивна енергија и верба дека ќе постигнат сè што ќе замислат. Нивните основни карактеристики се енергија и жар.
Во какви проблеми и да се најде, Стрелецот ќе рече „Кој знае зошто е тоа добро“, ќе замавне со раката и ќе продолжи да оди со крената глава.