Бидејќи колективниот имунитет сè уште не е стекнат, лицата кои не биле вакцинирани треба да продолжат да носат маски за да се заштитат дури и кога ќе бидат укинати мерките.
Експертите велат дека покрај носењето маски, луѓето кои не биле вакцинирани треба да продолжат да одржуваат физичка дистанца на собири во затворени простории, пренесува N1.
Оние кои не биле вакцинирани можат полесно да се заразат со коронавирусот и полесно да го шират вирусот. Затоа тие треба да продолжат да бидат внимателни.
Во САД веќе започнаа со укинување на мерката задолжително носење маски за оние кои се целосно вакцинирани, односно за оние кои примиле две дози на вакцина, но тоа не значи дека маските треба да бидат отфрлени од сите, пишува „Хелтлајн“.
Оние кои не биле вакцинирани, сепак треба да ги носат, особено деца постари од две години.
„Ако ризикот продолжи да постои, како и сега, луѓето кои не биле вакцинирани, сè уште треба да носат маски на сите места каде што потенцијално би можеле да се заразат“, рече д-р Мајкл Мининт, специјалист за заразни болести.
Најголемите ризици сè уште се во малите затворени простори каде што луѓето се собираат. Посебно внимание треба да се внимава кога ќе се соберат луѓе од неколку различни семејства.
Тој исто така нагласува дека ризикот од инфекција за оние кои не биле вакцинирани постои сè додека коронавирусот циркулира во популацијата. Вирусот ќе престане да циркулира само кога доволно луѓе се вакцинираат и кога доволно од нив развијат антитела.