Санкции за 100 возачи со затемнети стакла на автомобилите

Министерството за внатрешни работи продолжи со санкционирање на возачите кои затемнети фолии на стаклата.

Од таму информираат дека во периодот од 14.06 до 20.06.2021 во акциска контрола на територијата на Република Северна Македонија, санкционирани се 100 учесници во сообраќајот.

„Од нив 99 за прекршокот на неисполнување на пропишаните услови во однос на затемнувањето на стаклата и еден за неовластено вградување и користење на уреди за давање на посебни светлосни и звучни знаци во возилата“, велат од полицијата.