СДСМ: Трибината во Битола ќе се одржи во петок

Вечерашната трибина „Најдоброто за нашата општина” која вечерва требаше да се одржи во Битола се одложи поради временски неприлики и интензивни врнежи од дожд, информираат од СДСМ. Од партијата информираат дека трибината ќе се одржи во петок.

-СДСМ останува заедно со граѓаните преку граѓанските трибини, маалските и урбани средби, преку активноста врата до врата каде заедно со граѓаните ја создаваме најдобрата понуда за секоја општина.

Затоа СДСМ е фаворит на локалните избори, граѓаните знаат дека само со СДСМ можат да продолжат развојот и напредокот на општините и државата, велат од СДСМ.