Анчелоти: Роналдо е легенда на Реал, но не ни помислив да го вратам

Тренерот на Реал Мадрид, Карло Анчелоти ги демантираше гласините дека Кристијано Роналдо би можел да се врати во „кралскиот клуб“.

Веќе извесно време се шпекулира дека славниот португалски фудбалер би можел да го напушти Јувентус. Шпанските медиуми во последниве денови навестуваат дека 36-годишниот фудбалер може да се врати во Реал Мадрид.

Сепак, тие гласини брзо беа демантирани од тренерот на „кралскиот клуб“ преку социјалните мрежи.

„Кристијано е легенда на Реал Мадрид. Го сакам и го почитувам. Но, не ни помислив да го вратам. Одиме понатаму “, напиша Анџелоти.