506
Драматичниот раст на новозаразени повторно ќе ја стави Македонија на црната листа на ЕУ. Унијата презеде чекори за враќање на патните ограничувања поради пандемијата за Македонија, САД, но и четири други држави.
Веста ја објави Ројтерс повикувајќи на дипломатски извори во ЕУ. Освен Македонија, на листата се најдоа и Косово, Израел, Црна Гора и Либан. Процедурата почнала вчера, а се очекува да биде потврдена в понеделник, доколку ниту една земја-членка не ја блокира.
За македонските граѓани одлуката ќе значи дека повторно ќе се соочуваат со големи ограничувања при туристички, односно т.н. не-есенцијални патувања во ЕУ.
Некои земји можат целосно тоа да го забранат, а некои можат да наложат обврзувачки карантин при пристигнувањето.