„Сакам да ја освојам Лигата на шампионите со Арсенал“

Фудбалерот на Арсенал, Мартин Едегор, зборуваше за неговите амбиции кога е во прашање лондонскиот клуб.

Тој се врати кај „топџиите“ ова лето, овој пат трајно.

„Сакаме да се вратиме во европскиот фудбал и потоа на крајот да освоиме трофеи и во Лигата на шампионите и во Премиер лигата за неколку години“, рече тој.

Арсенал во моментов е на последното место во Премиер лигата по три одиграни кола. Ги загубија сите три натпревари за време на кои не успеаја да постигнат ниту еден гол.

Да потсетиме, Едегор го помина вториот дел од минатата сезона во Арсенал на позајмица од Реал, но летово беше купен за околу 35 милиони евра.

Тој неодамна направи 12 клучни додавања против Гибралтар, што е рекорд на меѓународни натпревари.