169
Ова не се само избори за тоа кој ќе биде градоначалник на Скопје, ова се избори што е тоа што скопјани го сакаат за својот град , рече кандидатот за градоначалник на Град Скопје од СДСМ, Петре Шилегов вечерва на улица „Македонија“ каде го отвори главниот скопски изборен штаб.
Тој изрази уверување дека скопјани ќе изберат градот да оди напред и да припадне онаму каде му е местото, во најразвиените европски градови.
– Многу е важно на овие избори да влеземе во секоја куќа, да разговараме со нашите сограѓани и да видиме што е тоа што го сакаат за нашиот град дали сакаат да го продолжиме развојот или сакаат да се вратат назад. Јас сум убеден дека наместо да се вратиме назад, ќе избереме да продолжиме напред ,рече Шилегов.