Јована Тренчевска, членка на Извршен одбор на СДСМ денеска обелодени дека кандидатот за градоначалник од ВМРО-ДПМНЕ на општина Василево физички ги нападнал.
-Во еден момент кога бевме во маалото каде што ги вршевме активностите врата до врата влегоа кандидатот за градоначалник на ВМРО-ДПМНЕ и негов сопартијец Ацо Василевски и кандидатот за градоначалник Славе Андонов којшто со првично вербални напади сакаа да не исфрлат од дворот каде што бевме и разговаравме со граѓаните.
Во еден момент се случи Ацо Василевски ја нападна физички со тупаници Верче ја удри по рака во моментот кога сакавме да пријавиме во полиција. Во тој момент Крсте којшто сакаше да ја одбрани од насилството Верче. Крсте беше нападнат од Ацо Василевски, изјави Тренчевска.
Таа потенцира дека нападот врз жена, насилство врз жена е кривично дело.
-Насилството врз било кој граѓанин е кривично дело и токму затоа го пријавивме овој настан за да престанат насилствата и за да научат граѓаните дека демократијата која ја нуди СДСМ е опција за мир и спокој во државата наспорти насилство, уцени и потценување на граѓаните, додаде Тренчевска.