Од почетокот на пандемијата Ковид-19, истражувачите ги удвоија своите напори да создадат фластери кои безболно пренесуваат лекови преку кожата кои можат да спасат човечки живот, што би можело да биде вистинска револуција во светот на медицината.
Оваа техника е особено важна кога станува збор за деца и луѓе кои се плашат од игли.
Дополнително, кожните фластери можат да помогнат при дистрибуцијата, бидејќи ги немаат барањата на другите, класични вакцини, па дури и може да ја зголемат ефикасноста на вакцината.
Новата студија спроведена на глувци, објавена во списанието Science Advances, покажа ветувачки резултати.
Австралиско-американскиот тим користел фластери со големина од еден сантиметар кои содржеле повеќе од 5.000 микро-игли, „толку мали што всушност не можете да ги видите“, за АФП изјави Дејвид Мулер, виролог од Универзитетот во Квинсленд и коавтор на трудот.
Според Мулер, врвовите на овие микроигли се обложени со експериментална вакцина, а за нанесување на фластерот се користи апликатор кој личи на хокејски пак.
Имунолошкиот систем на оние глувци кои го примиле фластерот произвел високи нивоа на неутрализирачки антитела по две дози, а авторите веруваат дека лепенките ги подобриле шприцевите.
„Вакцините обично се инјектираат во нашите мускули, но мускулното ткиво не содржи многу од имунолошките клетки потребни за одговор на лекот“, додаде Mулер.
Од научна перспектива, логистичките придобивки се големи
Прво, кога е во сува обвивка на фластерот, вакцината е стабилна најмалку 30 дена на 25 степени Целзиусови и една недела на 40 Целзиусови степени во споредба со неколку часа на собна температура за вакцините од Модерна и Фајзер.
Ова нуди голема предност особено за земјите во развој. „Многу е лесен за употреба“, рече Мулер, додавајќи дека медицинските професионалци не мора да бидат високо обучени за да ја применат вакцината за лепенка.