На Јутјуб се појавија никогаш објавени песни на Балашевиќ

На ОФИЦИЈАЛНИОТ канал на Јутјуб на Ѓорѓе Балашевиќ се појавија две песни кои повеќето обожаватели веројатно никогаш не ги слушнале.

Балашевиќ никогаш не ги објавил песните „Balada o labudu i gavranu“ и „Sedam dana“ на албум ниту ги изведувал на концерти, а неговите обожаватели ширум светот би можеле да бидат воодушевени од необјавените материјали.

Се работи за детски песни со карактеристичен текст и двете траат нешто повеќе од една минута.

Во коментарите под песната „Sedam dana“, обожавателите на Балашевиќ пишуваат дека Балашевиќ ја извел оваа песна во детската емисија Полетарац, во која учествувал кон крајот на 1970-тите и почетокот на 1980-тите.