Во штипскиот Ковид центар починаа тројца пациенти

Тројца пациенти на возраст од 63 до 73 години од Берово, Пробиштип и село Тодоровци ја загубија битката со коронавирисот на инфективното одделение во Штип.

Портпаролот на Клиничка болница во Штип, Марина Шуманска информира за МИА дека во Ковид центарот се хоспитализирани вкупно 62 пациенти, од кои 55 на инфективното и седум на кожното одделение.

Слободни места има само за уште за осум пациенти.

Инфектолозите алармираат дека во овој бран на делта сојот им пристигнуваат пациенти во тешка здравствена состојба. Вкупно 46 пациенти се на постојана кислородна поддршка. Во текот на вчерашниот ден, во дневната амбуланта прегледани се 25 лица.