СДСМ има ДНК на Заев. Ова не е на Бранко, туку е сменета партија, вели новинарот Васко Ефтов во емисијата „Само интервју“.
Тој смета дека ако ги анализираме позициите во минатото, актуелната владеачка партија се залагала за борба против албанскиот иредентизам и против бугарскиот врховизам.
-Така се воспитани генерации и генерации на СДСМ. Тука прашањето на Грција секогаш било периферно. Затоа и кај нив немаше турбулензии околу решавањето на проблемот со Грција. Разврските во партијата почнуваат од бугарското прашање. Црвенковски го замрзна членството, а лично очекував негов човек да се пријави на последните партиски избори и да му спротивстави на Заев. Сепак, тоа не се случи. Не сум сигурен дека и сега ќе се појави некој, кога ќе се избира нов лидер на СДСМ, изјави Ефтов.