Ковечевски: Секогаш кога СДСМ е силен држaвата оди напред

Вечерва СДСМ е победник. Од утре мора да ги засукаме ракавите и да се фатиме за работа. Секогаш кога СДСМ е силен држaвата оди напред, СДСМ е столб на прогресивниот дел од општеството, кажа Димитар Ковечевски  по прогласувањето на победата за нов лидер на СДСМ.

Тој го пофали Зоран Заев дека го обединил СДСМ, и победил режим, но носел и храбри одлуки, воедно  упати благодарност до своите противкандидати и членови на партијата.

Од вкупно 44 406 гласови, за Ковачевски гласале 37 649 партиски членови. За разлика од него, Фросина Ременски, која е поранешна потпретседателка на партијата освои 2 836, а за Јован Деспотовски, актуелниот в.д директор на Дирекцијата ТИРЗ гласале 3 319 сопартијци. Неважечки биле 602 гласа.