Тренерот на Реал Мадрид, Карло Анчелоти го пофали настапот на тимот против Кадиз, иако „белите“ загубија два бода на „Сантијаго Бернабеу“ по ремито. Стручњакот го коментираше и отсуството на дел од играчите поради КОВИД-19.
„Тоа е нешто со кое општеството и секој од нас треба да се справи. Никогаш не сакавме да го одложиме натпреварот. Нашиот тим е способен да го компензира недостатокот на поединечни играчи. Вирусот не е толку агресивен како порано“, рече Анчелоти.
„Се обидовме да победиме, но не ни успеа. Не можам да ги обвинам момчињата. Видов многу позитивни работи. Не ми се допадна само резултатот, ама тоа е фудбалот. Некогаш победуваш незаслужено, друг пат играш добро, но не победуваш“, филозофски изјави Италијанецот.
„Мораме да ја погледнеме табелата и да забележиме дека во оваа фаза наш главен конкурент е Севиља. Имаат многу класа и неверојатни навивачи“, додаде Анчелоти.