312
Универзитетскиот професор од Софискиот универзитет „Свети Климент Охридски“, Ивајло Дичев смета дека Бугарија треба да го преземе лидерството во однос на проширувањето на ЕУ со Западен Балкан.
-Направивме голема глупост со нашиот став кон Северна Македонија и треба брзо да ја поправиме оваа политика. Никој не ни врши притисок, тоа е во наш интерес, вели Дичев во интервју за БНР.
Според него, прашањето не е за историјата, туку за идентитетот.
-Тоа е преживување, а не факт. Не може историчар да оди во Северна Македонија и да им каже дека се Бугари… Мора да им се приближиме, мора да комуницираме. и да размениме културни работи. По можност да ја надминеме оваа бездна што постоеше меѓу нас во 20 век, вели проф. Дичев.