Гринвуд во неволја, продолжен му е притворот

На фудбалерот на Манчестер Јунајтед Мејсон Гринвуд денеска му бил продолжен притворот, под обвинение за силување, јави Би-Би-Си.

Полицијата од Манчестер соопшти дека притворот на Гринвуд е продолжен, а покрај обвинението за силување, додадено е и обвинението за смртни закани.

Младиот фудбалер на Јунајтед беше обвинет од неговата девојка Хариет Робсон за силување и насилничко однесување, по што беше уапсен во неделата.

Манчестер Јунајтед реагираше со соопштение во кое истакна дека „клубот нема толеранција за насилство и дека Мејсон нема да тренира или игра натпревари до дополнително известување“.

Фото:  Profimedia