„Не можам да му објаснам на просечен македонски гласач или граѓанин колку е важно да влеземе во ЕУ – организација основана во 1957 година, во 20иот век – каква етничка припадност бил Гоце Делчев или некој друг херој-основоположник, како цар Самуил пред десет века“, изјави претседателот Стево Пендаровски во интервју за „Euronews“, одговарајќи зошто настаните што се случиле во далечното минато имаат толку несразмерно влијание врз судбината на неговите граѓани денес.
Пендаровски сè уште верува дека новоизбраните премиери Петков и Ковачевски можат да го решат ќор-сокакот, како „млади луѓе кои доаѓаат надвор од политичкиот мејнстрим [кои] зборуваат различен јазик“, но, при тоа, изразува загриженост дека улогата на ЕУ како решавач на проблемите во спорот можеби е на удар.
Според него, улогата на ЕУ како решавач на проблемите во спорот можеби е на удар.
„Можам да ви кажам дека падот во Северна Македонија е поголем од каде било во која било друга земја од Западен Балкан, рече Пендаровски. Ако ги погледнете анкетите, има пад од 20 или 25 отсто откако го спроведовме референдумот за промена на името“, додава претседателот.
Тој потсетува дека Северна Македонија веќе прескокна значителни пречки за да ја покаже својата посветеност за пристапување во Унијата со решавањето на спорот со Грција за името (Преспанскиот договор), за потоа да се јави прашањето со Бугарија.