Дефанзивецот на Манчестер Сити и на украинската фудбалска репрезентација Александар Зинченко ги повика сите спортски федерации да забранат учество на руски спортисти на меѓународни турнири, пренесе Ројтерс.
Од почетокот на инвазијата, спортистите од Украина и други земји ги повикаа нивните индивидуални федерации да преземат таква акција, а Зинченко рече дека забраните треба да бидат сеприсутни. Своето мислење го објави непосредно пред Меѓународниот олимписки комитет да го даде истиот предлог до спортските федерации.
Некои денеска делуваа против Русија, а последно има информации за забрани од ФИФА, УЕФА, кошаркарската Евролига и други.
„Русија мора да биде исклучена од сите меѓународни спортски федерации. Забранете им на нивните спортисти да учествуваат во било што надвор од нивните граници. Престанете да им продавате ТВ права за емитување спортски настани ширум светот, не дозволувајте им да спонзорираат странски турнири. или клубови“, напиша тој на Инстаграм.
„Поддржете ја Украина со информации! Бидете гласни кога се во прашање агресорите“.
Зинченко минатата недела учествуваше на демонстрациите во центарот на Манчестер против инвазијата, а потоа остана на клупата на натпреварот против Евертон.
Менаџерот Пеп Гвардиола изјави дека ќе игра на натпреварот од ФА Купот против Питерборо затоа што „тоа му потребно“.