147
Фудбалерот на Арсенал, Олександр Зинченко ќе организира хуманитарен натпревар Counter-Strike 2, на кој покани неколку ѕвезди од светот на фудбалот и е-спортот.
Украинскиот репрезентативец и еСпорт тимот PassionUA што го поседува се во срцето на идејата да се соберат средства за помош на украинските војници.
На промотивниот натпревар на 26 февруари ќе учествуваат и фудбалерите на Арсенал и Манчестер Јунајтед, Габриел Жесус и Касемиро, кои потсетуваат дека играчот од средниот ред на „црвените ѓаволи“ е и сопственик на тим од еСпорт индустријата – CASE.
Покрај нив на натпреварот ќе учествува и украинскиот гејмер Володимер „Woro2k“ Велетниук од тимот на Monte, кој беше на чекор до пласман на првиот голем CS2 турнир.