СДСМ: Кој друг од градоначалниците на ВМРО-ДПМНЕ му реферира на Груевски?

„Осудениот криминалец во бегство Никола Груевски објави дека е во редовна комуникација со градоначалници од редовите на ВМРО-ДПМНЕ“, велат утрово од СДСМ.

„Данела Арсовска не одговара дали таа е градоначалникот кој комуницирал со Никола Груевски. Арсовска е иста како Христијан Мицкоски, и таа молчи за Груевски.

Одамна е јасно дека оваа партија е контролирана од Будимпешта, очигледно е дека дури и градоначалници му реферираат на Груевски.

ВМРО-ДПМНЕ е партија која не се менува.

Неработата и трошењето пари на партиски вработувања е доказ дека оваа партија нема намера да се помести од режимската матрица која 11 години ја држеше државата во заложништво“, истакнуваат од Бихаќка.