Брачен пар загина во сообраќајка во Штип

Брачен пар од Штип загина во тешка сообраќајка што се случи синоќа кај штипската населба Македонка.

При судир на две возила, „југо“ и „опел астра“, на лице место починале возачот, 68-годишниот Г.П. и 62- годишната сопатничка Ј.П..

Автомобилот „опел астра“ го управувало 20-годишно момче од Штип, кое здобило телесни повреди.

Портпаролот на СВР – Штип, Гордана Панојотова потврди дека се случила несреќа во која, како што рече, има две жртви.