Прванов: Да се обидеме да ги вратиме работите во ново зближување со братскиот македонски народ

Поранешниот претседател на Бугарија, Георги Прванов кој десет години ја извршуваше функцијата, смета дека францускиот предлог за почеток на преговори на ЕУ со Северна Македонија е излез од неколкугодишната дипломатска криза.

-Колку и да е едноставен францускиот предлог, тој е дипломатски воздржан. Наметнатото бугарско вето не може да ги промени ставовите во македонското општество, посочил Прванов и додал:

-Да се обидеме да ги вратиме работите во насока на ново зближување со братскиот македонски народ, а тоа не треба да биде со влијание од европските институции. Тоа нема да се случи како што не се случи пред повеќе од сто години.

Тој нагласил дека со ветото Бугарија ја загубила битката за историјата.