217
Менаџерот на Арсенал, Микел Артета го пофали новото засилување Габриел Жесус по нивната победа од 2-0 над Евертон на пријателскиот натпревар одигран во Балтимор, САД.
Жесус го постигна првиот гол за „топџиите“.
„Тој создава хаос, му создава неизвесност на противникот и секогаш ве притиска. Тој дефинитивно е сериозна закана за противниците, а токму тоа ни треба“, изјави Артета за официјалниот сајт на Арсенал.
„Во моментот кога ќе му ја дадете топката на Габриел, тој веднаш го води тимот зад себе. Има лидерски способности и евидентно е влијанието што го има врз момчињата. Несомнено, тој е играчот кој ни треба“, додаде шпанскиот тренер на Арсенал.
„Тој има многу добри квалитети кои сакаме уште повеќе да ги развиваме“, додаде Артета.