Македонец тешко повреден во сообраќајка во Србија

Во сообраќајна незгода што се случила на подрачјето на полициската управа Врање во Србија, повреден е државјанин на Македонија.

На автопатот во атарот на село Самољица, општина Прешево, товарно возило со приколка, управувано од грчки државјанин, удрило во патничко возило „Тојота“ кое во моментот застанувало.

Возачот на Тојотата, државјанин на Северна Македонија, се здобил со тешки телесни повреди.

Увидот на лице место го извршиле сообраќајни полицајци, а според неофицијални информации, против возачот на камионот ќе биде поднесена кривична пријава за загрозување на безбедноста на јавниот сообраќај.