Иранската полиција за морал, задолжена за спроведување на строгите исламски кодекси за облекување, ќе биде укината, најави државниот обвинител на земјата.
Мохамед Џафар Монтазери, чии зборови допрва треба да бидат потврдени од другите владини канцеларии, ја објави веста на верска конференција во неделата.
„Полицијата за морал немаше никаква врска со правосудните органи и е затворена таму каде што беше создадена“, рече тој.
Протестите против строгите правила за облекување на жените се разгореа во Иран откако 22-годишната Махса Амини, која беше уапсена од иранската полиција за морал бидејќи наводно ја покажала својата коса, почина во притвор во средината на септември.
Полицијата за морал била во надлежност на министерството за внатрешни работи, а не на правосудството.
Еден ден претходно, Монтазери во иранскиот парламент рече дека ќе се разгледа и законот според кој жените се обврзани да носат хиџаб.
Ако се укине полицијата за морал, тоа не значи дека ќе се менува овој закон стар со децении.