Пред вас е еден од најбрзите и најмоќните Nissan GT-R „драг рејсери“ во светот. Сопственикот го нарече „Ноќен терор“ и очигледно, малку останало во фабричка состојба. Автомобилот е толку многу модифициран што многу луѓе на социјалните мрежи тврдат дека повеќе не треба ни да се смета за GT-R.
Навистина, целата платформа на GT-R е заменета со прилагодена тубуларна шасија и се сомневаме дека ниту една компонента за суспензија или сопирачка не останала фабричка.
Единственото нешто што го открива оригиналниот идентитет на автомобилот е каросеријата. Ги гледаме познатите GT-R врати, предната табла, линијата на покривот и аголните странични прозорци. Што се однесува до моторот, автомобилот го задржа својот VR38DETT, но доби и многу модификации, пишува „Јутарњи“.
Nissan го разви VR38DETT исклучиво за употреба во GT-R, а 3,8-литарскиот V6 со двоен турбо полнач се покажа исклучително популарен за прилагодување и менување. Испорачува над 700 КС, но овој има многу повеќе.
Според сопственикот, автомобилот е способен за неверојатни 3400 КС.