Кристијан Атсу, поранешен фудбалер на Челзи и Њукасл и репрезентативец на Гана, кој настапува за Хатајспор од истоимениот турски град и Танер Савут, спортски директор на овој клуб, исчезнаа под урнатините по земјотресот што ја погоди Турција.
Иако во текот на денот беа објавени различни информации дека Атсу наводно е пронајден, набргу потоа беа демантирани, а конфузијата продолжи извесно време.
Сепак, се чини дека е решена откако видео од потрагата објави турскиот спортски портал „Ајанспор“.
На видеото се гледа како голем број луѓе се обидуваат да ги расчистат урнатините на зградата во која биле Атсу и Савут кога се случила трагедијата.
Покрај нив, во зградата очигледно бил и ракометарот Чемал Кутахјали.
Добрата вест е што, како што стои во објавата на овој портал, под урнатините се слушаат гласови, а екипи се обидуваат да стигнат до влезот на паркингот на оваа зграда.
İnönü Bulvarı Ekinci Mahallesi No: 62 Rönesans Rezidans
Çok sayıda insanın sesinin geldiği, Hentbol oyuncusu Cemal Kütahyalı, Hatayspor Sportif Direktörü Taner Savut ve futbolcu Cristian Atsu'nun da olduğu sitede ekipler otoparka girmeye çalışıyor. pic.twitter.com/rymcNGlxan
— Ajansspor (@ajansspor) February 6, 2023