Кога бубрезите се компромитирани, овие симптоми може да се појават. Ако забележите повеќе од еден симптом, би било добра идеја да посетите лекар.
Болка во нозете
Воспалението на бубрезите може да укаже со болка во грбот, странично на горниот дел од телото, како и болка во нозете. Овие болки може да бидат предизвикани од појавата на камења во бубрезите, па доколку чувствувате болка на овие места, трчајте на лекар.
Висок крвен притисок
Високиот крвен притисок предизвикан од лошото функционирање на овие органи може да укажува и на бубрежна болест.
Оток
Веројатно веќе го знаете ова, но кога бубрезите не работат добро, вишокот на вода се задржува во телото, што доведува до отекување на рацете и нозете, особено на зглобовите.
Промени во мокрењето
Зборувајќи за задржување на вишокот вода, исто така е важно да го знаете ова. Урината се произведува во бубрезите со цел да се исфрлат токсините од телото. Ако имате потешкотии со мокрењето, уринирате повеќе или поретко, често станувате навечер поради тоа, има крв или пена во урината… веднаш одете на лекар!
Губење на апетит
Губењето на апетитот само по себе не е поврзано со бубрежна болест, но доколку и вие имате некој од горенаведените симптоми, проверете го вашето здравје.
Сува кожа
Иако би помислиле на дерматолошки проблем, знајте дека сувата кожа може да биде сигнал дека бубрезите не работат добро. Ако бубрезите не функционираат нормално, тие не можат да ги исчистат токсините од крвта, а тоа може да предизвика осип на кожата.
Скратен здив
Донекаде е нормално да го изгубите здивот и да имате потешкотии со дишењето кога тренирате, но ако тоа ви се случи по кратка прошетка или дури и кога сте во мирување, нека биде аларм да посетите лекар. Имено, вишокот вода што се задржува во телото кога бубрезите не функционираат правилно оди во белите дробови и го отежнува дишењето.
Замор
Не треба да се грижите веднаш штом се чувствувате уморни, но треба да се грижите ако се разбудите уморни откако ќе спиете седум, осум часа. Ако сте уморни, но всушност сте поспани и физички одморени, можно е ова чувство да е предизвикано од недостаток на црвени крвни зрнца, што го намалува протокот на кислород, а резултатот е замор.
Губење на вкус
Бубрежното заболување може да предизвика вашата храна да има метален вкус, а токсините што бубрезите не ги исфрлаат исто така ќе предизвикаат лош здив.
Гадење и повраќање
Како што рековме, кога бубрезите работат правилно, тие ги исфрлаат токсините од телото. Од друга страна, кога тие не делуваат добро, во телото се акумулираат токсини кои можат да предизвикаат гадење и повраќање. Затоа, ако често чувствувате гадење и имате необјаснив нагон за повраќање, проверете го здравјето на бубрезите.
И, конечно, не чекајте нешто да ве „чепне“ за да отидете на лекар, туку ако се сомневате дека имате проблем врз основа на овие симптоми, веднаш прегледајте се.
Имајте на ум дека колку порано се открие болеста, толку се поголеми шансите за намалување на последиците.