„Ќе успеам и овој пат“: Прво огласување на Берлускони откако беше хоспитализиран

Поранешниот италијански премиер Силвио Берлускони, кој моментално е на болничко лекување, денеска изјави дека му е тешко, но дека повторно ќе успее.

Берлускони веќе некое време боледува од форма на хронична леукемија и сè уште е хоспитализиран во болницата „Сан Рафаел“ во Милано за лекување на пневмонија како последица на патологијата.

„Ќе успеам и овој пат, секогаш сум успевал да се опоравам дури и во тешки и деликатни ситуации“, изјавил Берлускони за италијанскиот весник Il Giornala.