АТОПИСКИ дерматитис е воспалителна состојба во која кожата станува иритирана, црвена, сува и чеша. Оваа хронична болест е карактеристична за раното детство, а многу родители не знаат како да ги препознаат првите знаци додека не станат неподносливи, пренесува Kids Health.
Како што објаснуваат педијатрите, симптомите на атопичен дерматитис може да варираат, па затоа се разликуваат од дете до дете. Но, одредени знаци се појавуваат кај скоро секое дете, а тие вклучуваат:
* појава на црвенило и лушпи на кожата на лицето, особено во пределот на образите и челото
* промени на кожата придружени со силно чешање
* задебелена и груба кожа во наборите на зглобовите како што се лактите и колената.
Со оглед на тоа што, по правило, атопичен дерматитис не се лекува, основата на лекувањето првенствено вклучува едукација на пациентите и членовите на нивните семејства, спроведување на соодветна хигиена на кожата и избегнување на алергени и други фактори кои можат да доведат до дополнително влошување на оваа и онака непријатна болест.