Голем пожар избувна во текот на ноќта во зајечарското село Котлујевац како последица на силно невреме.
Според првичните информации изгореле три куќи, а повредени нема.
Пожарот избувнал по удар на гром, а на снимките од местото на настанот се гледа како пожарот неконтролирано зафаќа се што му се наоѓа на патот.
Пожарникарите спречија пожарот да се прошири на остатокот од населбата.
Силен дожд, бурен ветер и мал град пропратен со грмежи и молњи во текот на ноќта го зафатија Зајечар и неговата околина, а се уште не се знае колкава е штетата.
Жителите од село Велики Извор изјавија дека многу куќи прокиснуваат бидејќи останале без ќерамиди, паднал далновод, оштетени се плевни и помошни објекти, а селото останало без струја.
Оштетувања на покриви и електрични мрежи има и во градот.