Мексиканскиот претседател Андрес Мануел Лопез Обрадор одлуката на Вашингтон да продолжи со проширувањето на граничниот ѕид меѓу двете земји, кој треба да го спречи нелегалниот влез на мигранти во САД, ја нарече „уназадување“.
„Одобрувањето на ѕидот е чекор назад бидејќи не го решава проблемот. Мораме да се справиме со основните причини“ на илегалната имиграција“, рече претседателот на неговата вообичаена утринска прес-конференција.
Администрацијата на Бајден во четвртокот објави дека ќе додаде нов дел на граничниот ѕид со Мексико, кој треба да ги спречи мигрантите да влезат во САД. На овој начин тој ја повторува грешката што ја направи поранешниот американски претседател Доналд Трамп пред него.
Во четвртокот, Бајден се обиде да објасни дека „не може да го прекине“ финансирањето што неговиот претходник, Доналд Трамп, го започна со обврската за изградба на ѕид на границата со Мексико.
„Парите се наменети за изградба на граничен ѕид. Се обидов да ги убедам републиканците во Конгресот да ги распределат средствата за нешто друго, да ги пренасочат, но тие не сакаа да го прифатат. Во меѓувреме, законски е невозможно да се искористат тие средства за нешто друго освен она за што се првичнонаменети. Не можам да го спречам тоа“, рече Бајден, додавајќи дека на ниту еден начин не гледа на изградбата на ѕидови како решение за миграциската криза.
Трамп ја стави изградбата на граничните ѕидови во центарот на неговата прва претседателска кампања и има намера да се кандидира на претседателските избори во 2024 година.
Првиот чекор на Бајден по преземањето на функцијата претседател на САД во јануари 2021 година беше прокламација во која тој вети дека „парите на американските даночни обврзници повеќе нема да се пренасочуваат за изградба на граничен ѕид“, а тој исто така вети дека ќе ги разгледа сите ресурси кои биле беа користени за тоа.
Трамп, по тој повод, напиша на социјалните мрежи: „Како што често сум кажувал, илјадници години постоеле само две конзистентни работи, тркала и ѕидови! Дали Џо Бајден ќе ми се извини мене и на Америка што му требаше толку долго за да продолжиме…“
Мексиканскиот претседател во четврток ќе се состане во Мексико со американскиот државен секретар Антони Блинкен за да разговара за илегалните имигранти и растечката трговија со фентанил меѓу двете соседни земји.