По вчерашниот напад на селото Хроза, телефоните на жртвите непрекинато ѕвонеа, објави на Х украинскиот функционер, советник на министерот за внатрешни работи Антон Герашченко.
Најмалку 55 лица, како што јави украинската претставничка за Харков, Марија Мезенцева, загинаа во нападот што погоди кафуле и продавница додека се одржуваше комеморација за загинат војник.
„Замислете ја личноста од другата страна која се обидува да открие дали нејзините најблиски се безбедни“, напиша Герашченко со објавата на шокантното видео.
The aftermath of yesterday's Russian missile strike on Groza village in Kharkiv region.
The phones of the people killed by Russia kept ringing. Imagine the person on the other end who kept trying to find out if their loved ones were safe.
Look at the scale of destruction in the… pic.twitter.com/neO1CcA8DR
— Anton Gerashchenko (@Gerashchenko_en) October 6, 2023
„Можно е некој да им дојавил на Русите за местото и времето на комеморацијата во Хроза“
Говорејќи за Би-Би-Си Радио 4, Марија Авдеева, украинска безбедносна аналитичарка и новинарка, рече дека некој можеби ја известил руската војска за одржување на комеморација во кафулето во селото Хроза.
„Можеме да претпоставиме дека некој дал информации за местото и времето на собирање на овие луѓе“, рече таа.
„Од она што сега го гледаме на руските пропагандни канали, тие известуваат дека имало воени собири за погребот, што е лага, бидејќи ова беше главно цивилна церемонија.
Украинскиот министер за внатрешни работи Ихор Клименко вчера изјави и дека постои „сомнеж“ оти локален жител ја предупредил руската армија за местото каде што е планиран масовниот собир на луѓе.