Најмалку 45 лица повредени во руски напад врз Киев

Најмалку 45 лица се повредени рано утринава во руски ракетен напад врз Киев, а оштетени се и некои згради, детска болница и водовод, соопштија украинските власти.

Тие изјавија дека се хоспитализирани 18 лица, меѓу кои и две деца.

Украинската противвоздушна одбрана ги собори сите ракети кои беа истрелани кон Киев рано утринава, но остатоците од проектилите предизвикаа повреди и оштетувања на зградите, напиша шефот на воената управа на Киев, Серхи Попко.