Јавноста со неверување гледа на поставената новогодишна елка на плоштадот „Македонија“ во центарот на Скопје. Се упатуваат низа критики кон градската администрација и градоначалничката Данела Арсовска. За неа некои од граѓаните велат дека не е докитена, други дека „тоа е реалноста на градот“.
-„Каков градоначалник, таква елка… и таква новогодишна магија“, „Срам ми е да кажам од кај сум…“, „Дрво завиткано во зелена фолија“, „Мојата елка дома е трипати подобра“, се само дел од коментарите на граѓаните.
Се огласи и поранешниот градоначалник на Скопје, Петре Шилегов.
-Еве, нема да сум арогантен. Една слика илјада (милијарда) зборови…., напиша Шилегов на социјалните мрежи.
Арсовска на 12-ти декември објави на својот Фејсбук профил дека на 15-ти декември градот ќе биде украсен за 30.000 евра. Од нејзина страна се уште не е објавено кој го украсува Скопје и како се набавени светилките и елката.