Носителот на листата „Mi, glas iz naroda“ Бранимир Несторовиќ изјави дека листата останува на ставот дека нема да коалицира со никого, што значи дека се оди на избори.
„Кога се формиравме кажавме дека никогаш нема да одиме со прозападната опозиција и тоа е црвена линија. Реков дека на самиот почеток на изборната ноќ тоа е единствената вечера што е целосно исклучена“, изјави Несторовиќ на ТВ Прва.
Тој рече и дека има само една црвена линија што ја дефинирале.
„Слушнав се нешто, за да се избегнат шпекулации и спинување, дека црвената линија е ако почнат насилни протести во Белград, во тој случај би ги поддржале властите, затоа што тогаш треба да ја спасиме државата, бидејќи ако ја уништуваат, за џабе избори. Мислам дека тоа нема да се случи и дека немаат сила за тоа“, изјави тој.
Тој изјави дека немаат амбиции да бидат власт, дека им одговара да бидат опозиција.
„Ќе имаме неколку пратеници, некои средства од буџетот, ќе можеме да го рашириме движењето“, објасни Несторовиќ.
Тој посочи дека се подготвени да одат на нови избори во Белград.
„Лично како движење би ни одговарале нови избори. Само ако државата бидее загрозена, тогаш ќе заборавиме на интересите на движењето“, вели носителот на листата „Mi, glas iz naroda“.