Наместо Спасовски, сите расположливи сили, да ги насочи, во потрага на избеганиот син на командант Баци од УЧК, Наим Самиу, полицајци лабаво си седат по кафани и прават инциденти, во кои се вадат и пиштоли, обвинуваат од ВМРО-ДПМНЕ утрово преку соопштение.
Според партијата, припадници на полициските специјалци – Тигри, во кафеана во скопско Белимбегово, ваделе оружје, додавајќи според медиуми, кон бремени жени, започнале тепачка со сопругот на бремената, а во инцидентот има и последици. Од ВМРО-ДПМНЕ истакнуваат дека сето ова е пријавено и има записник во полициска станица.
„На 23.12.2023 година од страна на анонимен граѓанин пријавено е дека во угостителски објект во населба Белимбегово, полициски службеник од САЕ Тигар, вперил пиштол кон бремена жена и кон нејзината кумашинка, по што дошло до нарушен ЈРМ, и има и повредени лица, а дополнително на пријавителот му се јавувале и од различни броеви да го прашаат зошто пријавувал за настанот. Пријавителот со сопругата се упатени во ПС Гази Баба да го пријават настанот со лекарска документација и снимки“, се вели во полициската информација до која дојдоа медиумите, велат од ВМРО-ДПМНЕ.