Најмалку шест лица загинаа, вклучително и тројца пожарникари, откако цистерна со 60 тони течен природен гас експлодирала во главниот град на Монголија, Улан Батор, соопштија службите за вонредни состојби.
Најмалку 11 лица се повредени во експлозијата и пожарот во близина на пазарот Дуњингарав, објави монголската агенција за управување со вонредни состојби во објава на Фејсбук.
[ Album ]
🇲🇳 A truck carrying 60 tons of gas exploded in the #Mongolian capital #Ulaanbaatar in an area where a large market is located.It is reported that the #explosion occurred on January 24 at night. Rescuers and firefighters arrived at the scene. At least five people were… pic.twitter.com/Jri4v630Pa
— Caliber English (@CaliberEnglish) January 24, 2024
Во гаснењето на пожарот учествувале повеќе од 600 пожарникари и 100 возила.
„За жал, во несреќата загинаа тројца службеници на 63-та противпожарна-спасувачка единица на Националната противпожарна служба, додека ги извршувале своите работни задачи“, се наведува во соопштението на Управата.
Според локалните медиуми, пожарот брзо зафатил неколку околни згради, вклучително и една станбена зграда.