Претседателот на Република Српска, Милорад Додик, изјави дека политиката игра голема улога во процесот што се води против него во Судот на Босна и Херцеговина.
„Нивните намери се очигледни, политиката ја игра главната улога во оваа постапка. Ова е политички процес за Република Српска“, рече Додик по напуштањето на Судот на Босна и Херцеговина.
Тој истакна дека Обвинителството на Босна и Херцеговина денеска го прочитало обвинението против него, иако требало да биде напишано ново обвинение.
Додик додаде дека „ја чувствува атмосферата на линч“ во Судот на Босна и Херцеговина, но дека ќе продолжи да се бори да докаже колку е сето тоа апсурдно.
Смета дека судскиот процес против него е спорен и затоа што сите судии во постапката се Бошњаци, додавајќи дека посебно е спорно што новата судијка во постапката против него Сена Узуновиќ била политички ангажирана.
Додик беше обвинет од Обвинителството на Босна и Херцеговина за неспроведување на одлуките на високиот претставник Кристијан Шмит, што е кривично дело според Кривичниот законик на Босна и Херцеговина.