Руската Централна изборна комисија (ЦИК) во четвртокот го дисквалификуваше Борис Надеждин од учество на изборите во март поради, како што наведе, грешки во потписите.
Кампањата на Надеждин достави 105.000 потписи до ЦИК, која подоцна соопшти дека 15 отсто содржеле недостатоци, вклучувајќи „мртви души“ и неважечки потписи.
Рускиот закон бара од потенцијалните кандидати кои се кандидираат од партија без застапеност во парламентот да соберат 100.000 потписи за поддршка.
Во објава на Телеграм, Надеждин рече дека не се согласува со одлуката на ЦИК и дека „не се откажува“ од своите планови да се кандидира за претседател.
„Собрав повеќе од 200.000 потписи низ цела Русија. Собирањето го спроведовме отворено и искрено – редиците во нашите штабови и собирни места ги следеше целиот свет. Учеството на претседателските избори во 2024 година е најважната политичка одлука во мојот живот Не се откажувам од моите намери“, рече тој.
Надеждин изненади некои аналитичари со неговите остри критики на она што Кремљ го нарекува „специјална воена операција“ во Украина, нарекувајќи ја војната „фатална грешка“ и вети дека ќе се обиде да ја оконча преку преговори.