Високиот претставник на Европската унија за надворешна политика и безбедност, Жозеп Борел, денеска во разговор со украинскиот министер за надворешни работи Дмитро Кулеба, по повод двегодишнината од војната во Украина, изјавил дека поддршката за земјата ќе продолжи.
„ЕУ стои на Украина од првиот ден и ние ќе продолжиме да го правиме тоа со еден клучен приоритет – ги повикувам земјите членки да обезбедат дополнителна воена поддршка“, напиша Борел на платформата Х.
Во пресрет на виртуелната средба на Г7 со претседателот на Украина, Володимир Зеленски, тој истакна дека групата од седум најразвиени земји во светот стои на страната на Украина и се залага за почитување на суверенитетот, независноста, меѓународното право, глобалната безбедност, слободата и мирот.
To the heroic people of #Ukraine: We will do whatever it takes for you to win the war.
For your freedom, for our freedom. For our common future.
Slava Ukraini! pic.twitter.com/zGJts0FlCX— Josep Borrell Fontelles (@JosepBorrellF) February 24, 2024
Тој во друга објава му се обрати на „херојскиот народ на Украина“ и му порача дека „ќе направиме се што е потребно за да победите во војната“.
„За вашата слобода, за нашата слобода. За нашата заедничка иднина. Слава на Украина!“, напиша Борел.